CAPTURE THE MOMENT

വരികളിൽ നിറയുന്ന പ്രണയമേ ചൊല്ലുമോ  അവളോടെനിക്കുള്ളതെല്ലാം  വഴിമറന്നലയുന്ന നിറമുള്ള പുണ്യമായി  വഴിമറന്നലയുന്ന നിറമുള്ള പുണ്യമായി  എന്നിൽ നിറഞ്ഞോരെൻ പെണ്ണ്  കരിനീലക്കണ്ണുള്ള  പെണ്ണ് കരിനീലക്കണ്ണുള്ള  പെണ്ണ്  വരികളിൽ നിറയുന്ന പ്രണയമേ ചൊല്ലൂ...  ആ.... ആ... ആ...  ഒരു നോക്കു കാണുവാൻ  എന്തോ പറഞ്ഞിടാൻ  ഏറെ ഉണ്ടെന്നാണോ.. ഒരു നോക്കു  കാണുവാൻ  എന്തോ പറഞ്ഞിടാൻ  ഏറെ ഉണ്ടെന്നാണോ.. ഒരു മൗനസമ്മതം  എന്നും നമ്മുക്കൊരു പൂക്കാലമായി വരും പെണ്ണെ പൂക്കാലമായി വരും പെണ്ണെ പൂക്കാലമായി വരും പെണ്ണെ  വരികളിൽ നിറയുന്ന പ്രണയമേ ചൊല്ലൂ....  ആ.... ആ.... ആ...  നിന്നിൽ അലിഞ്ഞിടാൻ  കോർത്തൊരീ  താലി ഞാൻ  നെഞ്ചോടു ചേർത്തുവെച്ചു... നിന്നിൽ അലിഞ്ഞിടാൻ  കോർത്തൊരീ  താലി ഞാൻ  നെഞ്ചോടു ചേർത്തുവെച്ചു... ഇനി വരും നാളുകൾ നമ്മുടേതായിടും എൻവരികളിലൂടെന്നും..  നിനക്കായ് അതെന്നും പെണ്ണെ  നിനക്കായ് അതെന്നും പെണ്ണെ  വരികളിൽ നിറയുന്ന പ്രണയമേ ചൊല്ലുമോ  അവളോടെനിക്കുള്ളതെല്ലാം അവളോടെനിക്കുള്ളതെല്ലാം അവള...

എന്തു വരികളിന്നെഴുതേണ്ടു ഞാനീ  പൊന്നിൻ കണിക്കൊന്ന പൂത്തീടും കാലം  മേടപ്പുലരിയിൽ കണികണ്ടുണർന്നീടാൻ  ഏറെ നാൾ കൊതിച്ചീടും എൻ ഹൃദയം  സ്വർണ്ണത്തിളക്കവും വെള്ളികൊലുസ്സും  കണ്ണിൽ മിന്നി ഞാൻ കണികണ്ടു  ചക്കയും മാങ്ങയും വെള്ളരിക്കയും  കസവിൻ ചേലുള്ള വെള്ളമുണ്ടും  കൈനീട്ടി വാങ്ങീടും ഒരു വെള്ളിനാണയം  കാൽതൊട്ടു വന്ദിച്ചു തുടങ്ങീടുകിൽ  മത്താപ്പ് പൂത്തിരി കമ്പിത്തിരികളും  കത്തിക്കുവാൻ ഓടി ഉമ്മറത്ത്  കൂടെയെൻ ചേച്ചിയും അച്ഛനുമമ്മയും  കുട്ടികുറുമ്പനായി ഈ കൊച്ചുകണ്ണൻ  കസവുചേലയും ചുറ്റി അമ്പാട്ടിയെ കണ്ടു  തിരുമേനി നൽകിയ കൈനീട്ടവും  സദ്യവട്ടം കൂട്ടി ഒന്നിച്ചു കഴിച്ചതും  പായസം കൂട്ടി ഒരുത്സവമായി.  ഇതു കേട്ടു കരുതേണ്ട എന്റെ വിഷുവെന്ന്  എല്ലാം എനിക്കൊരു ആശ മാത്രം പലദിനം ഞാൻ കണ്ട സ്വപ്നത്തിലൊന്നായി  വിഷുവും കടന്നു പോയി ചേലില്ലാതെ.

Ninakkai Enn Penne| നിനക്കായ് എൻ പെണ്ണേ | Lyrics: Nandu Narayanan | Music: Rahesh Rajagopal

ആരെന്നറിയില്ല എന്തിനെന്നറിയില്ല ചെയ്തത് തെറ്റുകൾ മാത്രം തല്ലാൻ ചൊല്ലി ഞാൻ തല്ലി വീഴ്ത്തി കൊല്ലാൻ ചൊന്നു ഞാൻ കൊന്നു തള്ളി രക്തക്കറയിൽ മുങ്ങിയ കയ്കളി ന്നാരെയോ തേടി നടപ്പൂ ഭ്രാന്തൻ വാക്കുകൾ കേട്ടെന്റെ ജന്മം കാരാഗൃഹത്തിൽ വസിപ്പൂ ഭ്രാന്തവർ ചൊല്ലി ഇന്ന് അവരുടെ ജീവിതം മണിമാളികയിൽ കിടപ്പൂ അരുതെന്ന് കേട്ടവർ ജീവനു തേങ്ങി കത്തിയിൽ കോർത്തെടുത്തു ഞാൻ ആരോ പിറകെ നടപ്പെന്റെ ശ്വാസം നിൽപ്പാൻ അകലം തെല്ലില്ല എന്നിൽ ഒടുങ്ങട്ടെ കൊല്ലും കൊലയും ഇനിയൊരു രക്തം ചീന്തരുതേ.

സാന്ത്വനം എന്ന കൂട്ടായ്മയുടെ പ്രവർത്തനത്തിന്റെ ഭാഗമായിട്ടാണ് ഒരു ശിശുഭവനം ഞാനും എന്റെ സുഹൃത്തുക്കളും സന്ദർശിച്ചത്. ഞങ്ങളെ വരവേറ്റത് ആരോരുമില്ലാത്ത 13 കുഞ്ഞു ഹൃദയങ്ങൾ ആയിരുന്നു. മറ്റാരും സന്ദർശകരായി അവിടെ ഉണ്ടായിരുന്നില്ല. ഞങ്ങൾ മുറിയിലേക്ക് കേറുമ്പോൾ കുട്ടികളോട് എങ്ങനെ കൂട്ട് കൂടും അവരെ എങ്ങനെ സന്തോഷിപ്പിക്കും എന്നൊരു സംശയം മനസ്സിൽ ഉണ്ടായിരുന്നു. പക്ഷേ അതിശയം എന്നോണം ഞങ്ങളുടെ അടുത്തേക്ക് അവർ ഓടിയെത്തി. എന്റെ അടുത്തേയ്ക്ക് ഓടിയെത്തിയ കുട്ടി കുറുമ്പൻ അവനെ കയ്യിലെടുക്കുമോന്ന് ചോദിച്ചു. ഒട്ടും താമസിച്ചില്ല അവൻ എന്റെ കൈകളിൽ ഇടം പിടിച്ചു. എന്റെ തോളിൽ തല ചായ്ച്ച് ഒരു കുഞ്ഞു വാവയുടെ കുസൃതിയോടെ അവൻ ഉറക്കം നടിച്ചു. ഉടനെ മറ്റ് കുസൃതികൾ ഓടിയെത്തി. വിരലുകളിൽ പിടിച്ചും കവിളിൽ ഉമ്മ വച്ചും ചിരിച്ചും കളിച്ചും ഞങ്ങളും കുട്ടികളായി മാറി കുറെ നേരത്തേയ്ക്ക്. ഒരു മണിക്കൂർ മാത്രമേ ഞങ്ങൾക്ക് ചിലവഴിക്കാൻ കഴിഞ്ഞുള്ളൂ. പക്ഷേ ഒരു കോടി ജന്മത്തിന്റെ പുണ്യം അനുഭവപ്പെട്ടു. അവരോട് വിട പറയാൻ നേരം പലരുടെയും കണ്ണുകൾ നിറയുന്നത് ഞാൻ കണ്ടൂ. മറ്റൊന്നും അവർ ഞങ്ങളോട് ആവശ്യപ്പെട്ടില്ല. ഇനിയും വരണം. വരുമ്പോൾ കുറെ ചേച്ചിമാ...